नेपाली टिमले सर्वियामा बास्केटबल खेल्ने

काठमाडौँ- नेपाली बास्केटबल टिमले सर्वियाको बेलग्रेडमा आयोजना हुने आईएसएफ वल्र्ड स्कुल बास्केटबल च्याम्पियनसीप २०२२ मा सहभागिता जनाउने भएको छ । प्रतियोगिता सेप्टेम्बर २० देखि २८ सम्म हुने तालिका रहेको छ । 

जनार्जन ढुङ्गेलको नेतृत्वमा च्याम्पियनसीपमा सहभागी हुने नेपाली टिमको प्रशिक्षकमा सदिश प्रधान रहेका छन् । खेलाडीहरुमा सामराज श्रेष्ठ, प्रथम श्रेष्ठ, आशिप महर्जन, शिभम् श्रेष्ठ, कोनोर गुरुङ्ग, बेनभ श्रेष्ठ दुवाल, उज्वल धौगोडा, प्रणय बासी, सुजल बलय श्रेष्ठ, सुजार राजकर्णिकार र अविग्न श्रेष्ठ छन् । अफिसियलमा भुपेन्द्र शमसेर कुँवर, मधु ढुङ्गेल र ममता बस्नेत रहेका छन् ।

---

यसैबीच, राष्ट्रिय खेलकुद परिषद्का सदस्य सचिव टंकलाल घिसिङले टिमको विदाई गरे ।