अजित र राजपुराले जित रोड रेस

काठमाडौँ- पिनाकल कलेजका अजित कुमार यादव तथा नेपाल पुलिस क्लबकी राजपुरा पछाईले काठमाडौँ रोड रेसको उपाधि जितेका छन् । अजितले पुरुष त था राजपुराले महिलातर्फको उपाधि जितेका हुन् । 

अखिल क्रान्तिकारीले आयोजना गरेको रोड रेस अन्तर्गत ५ किलोमिटरको दौड अजितले १७ मिनट ४५.३ सेकेन्डमा पुरा गर्दा राजपुराले २० मिनेट ३५.७५ सेकेन्ड खर्चिए । विजेता खेलाडीहरुले नगद २५ हजार सहित मेडल, ट्रफी र प्रमाण पत्र प्राप्त गरे ।

---

पुरुषतर्फ नै नेपाल पुलिसका सन्तोष विक्रम बिष्ट दोस्रो तथा त्रिभुवन आर्मी क्लबका मोहन देव जोशी तेश्रो भए । महिलातर्फ पुलिस क्लबकी राममाया बुढा दोश्रो र रेखा बिष्ट तेश्रो भए । दोश्रो र तेश्रो हुने खेलाडीहरुले मेडल, ट्रफी र प्रमाण पत्रका साथ क्रमशः नगद २० हजार र १५ हजार प्राप्त गरे ।

प्रतियोतिमा ३ सय ६५ पुरुष र १ सय १२ जना महिला कुल ४ सय ७७ जनाको सहभागिता रहेको थियो । रेस त्रिपुरेश्वरस्थित दशरथ रंगशालाबाट सुरु भई थापाथली, माईतीघर, बवरमहल, बिजुलीबजार पुल हुँदै एभरेष्ट होटलको अगाडीको डिभाईडर हुँदै पुन त्रिपुरेश्वर रङ्गशालामा आएर समापन भएको थियो ।