एनएसजेएफ र कोरिया स्पोर्टस् प्रेसबीच सम्झौता

काठमाडौँ- नेपाल खेलकुद पत्रकार मञ्च (एनएसजेएफ) र कोरिया स्पोर्टस प्रेस युनियन  (केएसपीयू) बीच खेलकुद पत्रकारिताको विकास र खेलकुद पत्रकारहरुको क्षमता अभिबृद्धि गर्ने विषयमा दुई पक्षीय सम्झौता भएको छ ।

इटालीको रोममा सम्पन्न अन्तर्राष्ट्रिय खेलकुद पत्रकार महासंघ एआइपीएसको विश्व सम्मेलनको अवसरमा एनएसजेएफ र केएसपीयुबीच बुधबार सम्झौता भएको हो ।

---

सम्झौतामा एनएसजेएफका तर्फबाट अध्यक्ष दुर्गानाथ सुबेदी र केएसपीयुका तर्फबाट अध्यक्ष जोङ को याङ ले हस्ताक्षर गरेका थिए ।

सम्झौता अनुसार केएसपीयूले एनएसजेएफ एकेडेमी मार्फत गरिने विभिन्न कार्यक्रम तथा सदस्यहरुको क्षमता अभिबृद्धि गर्न आयोजना गर्दै आएको प्रशिक्षण कार्यक्रममा आर्थिक तथा प्राविधिक सहयोग गर्नेछ । जस अन्तर्गत अनुसन्धान, प्रशिक्षण, छपाई तथा एक्सचेञ्ज प्रोगामहरु रहनेछन् ।