नवौं राष्ट्रिय खेलकुद : पुरुष फुटबलमा एनआरएनएकाे विजयी सुरुवात

पाेखरा। नवौं राष्ट्रिय खेलकुद प्रतियोगिता अन्तर्गत पुरुष फुटबल खेलमा गैरआवासीय नेपाली संघ (एनआरएनए) ले विजयी सुरुआत गरेको छ । पोखराको गोस्टेघाट खेलमैदानमा बिहीबार भएकाे खेलमा एनआरएनएले प्रदेश १ लाई २-० गाेलअन्तरले हराएकाे हाे । एनआरएनएको जितमा खेलकाे आठौं मिनेटमा विमल घर्तीमगर र ५५ औं मिनेटमा संजोक राईले एक एक गोल गरे । प्रतियोगिता अन्तर्गत बिहीबारकाे दोस्रो खेलमा वागमती र मधेश प्रदेशबीच प्रतिस्पर्धा हुँदैछ ।

---