नवौं राष्ट्रिय खेलकुद : पुरुष फुटबलमा बागमतीकाे विजयी सुरुवात

पाेखरा। नवौं राष्ट्रिय खेलकुद प्रतियोगिता अन्तर्गत पुरुष फुटबलकाे दाेस्राे खेलमा बागमती प्रदेशले विजयी सुरुवात गरेकाे छ। प्रतियोगिता अन्तर्गत बिहिबार भएको दोस्रो खेलमा बागमतीले मधेश प्रदेशलाई २–० गोल अन्तरले हराएको छ ।

पहिलो हाफ गोलरहित बराबरीमा रोकिएपनि बागमतीले दोस्रो हाफमा २ गोल गर्दै सहज जित निकालेको हो । खेल ३५/३५ मिनेटकाे खेलाईएकाे थियाे । बागमतीका लागि अञ्जन विष्ट र सुनिल बलले गोल गरे ।

---

खेलको ३९ औं मिनेटमा सुनिलको गोलमा अग्रता लिएको बागमतीका लागि ४५ औं मिनेटमा अञ्जन विष्टले पेनाल्टी मार्फत गोल गर्दै अग्रता दोब्बर पारे । खेलको पहिलो हाफमा मधेश प्रदेशले बागमतीलाई निकै दबाबमा राखेपनि गोल गर्न नसक्दा हार व्यहाेरेको हो । प्रतियोगिता अन्तरगत शुक्रबार लुम्बिनी प्रदेश र त्रिभुवन आर्मीबीच पहिलो तथा कर्णाली र सुदूरपश्चिमबीच दोस्रो खेल हुनेछ ।