पालिकास्तरीय भलिबल खेल प्रतियोगिता हुने

मकवानपुर- स्थानीयस्तरबाट खेलाडी उत्पादन गर्ने र नवप्रवेशी खेलाडीलाई प्रोत्साहन मिल्ने गरी मकवानपुरमा पालिका स्तरीय भलिबल खेल प्रतियोगिता हुने भएको छ ।

मकवानपुरको बकैया गाउँपालिकामा पालिकास्तरीय भलिबल प्रतियोगिता हुने भएको हाे । हिन्दूहरूको महान पर्व तिहारको अवसरमा बकैयाको खेलकुद विकास समितिको आयोजनामा पुरुष भलिबल प्रतियोगिता हुने भएको आयोजकले जनाएको छ ।

---

प्रतियोगिता कात्तिक ३ देखि ५ गतेसम्म सञ्चालन हुनेछ । प्रतियोगितामा १२ खेलाडी, १-१ जना टिमकोच ​र म्यानेजर गरी १४ जना हुनुपर्ने आयोजकले जनाएको छ । खेलाडीहरू आफ्नो वडाको हुनुपर्ने बताइएको छ ।

खेल तालिका कात्तिक १ गते मंगलबार सार्वजनिक हुनेछ ।

प्रतियोगिताका लागि सहभागीको दर्ता शुल्क २ हजार रुपैयाँ कायम गरिएकाे छ । प्रतियोगितामा विजेताले ५० हजार रुपैयाँ र उपविजेताले २० हजार रुपैयाँ नगद शिल्ड, मेडल र प्रमाणपत्र प्राप्त गर्नेछन् ।