पुरुष हक्कीमा सेमिफाइनल समीकरण पूरा

पोखरा- नवौँ राष्ट्रिय खेलकुद अन्तर्गत पुरुष हक्कीको सेमिफाइनल समीकरण पूरा भएको छ । समूह 'क' मा रहेको आर्मी १२ अंकका साथ समूह विजेता र गण्डकी प्रदेश ७ अंकका साथ उपविजेता हुदै सेमिफाइनल प्रवेश गरेको हो । समूह चरणमा आर्मीले चारवटै खेलमा जित हात पार्‍यो ।

समुह 'ख' बाट नेपाल पुलिस विजेता र कर्णाली प्रदेश उपविजेता बन्दै अन्तिम चारमा प्रवेश गरेको हो । समूह चरणमा नेपाल पुलिसले खेलेको ३ वटै खेलमा जित निकाल्यो भने कर्णालीले ३ खेलमा २ खेल जित्यो ।

---

बुधबार हुने पहिलो सेमिफाइनलमा कर्णाली प्रदेशले आर्मी र दोस्रो खेलमा गण्डकी प्रदेशले नेपाल पुलिसविरुद्ध खेल्ने छ ।

मंगलबार भएको पहिलो खेलमा आर्मीले प्रदेश १ लाई १-० गोल अन्तरले पराजित गरेको हो । आर्मीका लागि रोशन चौधरीले गोल गरे । दोस्रो खेलमा कर्णाली प्रदेशले बागमती प्रदेशलाई १-० गोलले हरायो ।