एपीएफका गोपीचन्द्र पार्कीलाई ५ हजार मिटर दौडमा स्वर्ण

काठमाडौं– नवौं राष्ट्रिय खेलकुद अन्तर्गत एथलेटिक्स ५ हजार मिटर दौड पुरुषमा विभागीय टोली एपीएफका गोपीचन्द्र पार्कीले बिहीवार स्वर्ण पदक जितेका छन् ।

पोखरा रंगशालाको ट्रयाकमा भएको अन्तिम दिनको खेलमा पार्कीले निर्धारित दूरी १४ मिनेट २९.६७ सेकेन्डमा पूरा गर्दै स्वर्ण पदक जितेका हुन् । यसअघि १० हजार मिटर दौडमा गोपीचन्द्रले रजत पदक जितेका थिए ।

---

५ हजार मिटरमा कर्णालीका दुर्गाबहादुर बुढाले १४ मिनेट २९.९३ सेकेन्डमा पूरा गर्दै रजत पदक आफ्नो पोल्टामा पार्दा त्रिभुवन आर्मी क्लवका मुकेश पालले निर्धारित दूरी १४ मिनेट ३६.६० सेकेन्डमा पूरा गर्दै कास्य पदकमा चित्त बुझाए ।