पुरुष हक्कीः आर्मीलाई स्वर्ण

पोखरा- नवौँ राष्ट्रिय खेलकुदअन्तर्गतको पुरुष हक्कीको उपाधि त्रिभुवन आर्मी क्लबले जितेको छ । हेम्जाको गौरीशंकर खेल मैदानमा बिहीबार सम्पन्न प्रतियोगिताको टाईब्रेकरमा आर्मी नेपाल पुलिस क्बललाई २–१ गोल अन्तरले विजयी भएको हो ।

खेल अवधिभर दुबै टिमले गोल गर्न नसकेपछि खेल टाईब्रकरमा पुगेको थियो । टाईब्रकरमा आर्मीका रोशन चौधरी र प्रदिप राजवंशीले गोल गरेका थिए । नेपाल पुलिसको तर्फबाट नविन क्षेत्रीले एक गोल गरेका थिए ।

---

आर्मीले आठौँ खेलकुदमा पनि नेपाल पुलिसलाई हराउदै स्वर्ण जितेको थियो ।

यता कर्णालीलाई हराउँदै गण्डकीले कास्य पदक जितेको छ । गण्डकीले कर्णालीलाई ३–० को गोलअन्तरले पराजित गर्‍यो ।