१० औँ राष्ट्रिय खेलकुद २०८१ मंसिर २ देखि कर्णालीमा हुने

पोखरा- १० औँ राष्ट्रिय खेलकुद कर्णाली प्रदेशमा २०८१ सालमा आयोजना हुने भएको छ । १० औँ राष्ट्रिय खेलकुद २०८१ सालको मंसिर २ देखि ९ गतेसम्म आयोजना हुने भएको हो ।

गण्डकी प्रदेशमा बिहीबार सम्पन्न नवौँ राष्ट्रिय खेलकुद समापन कार्यक्रममा युवा तथा खेलकुद मन्त्री महेश्वरजंग गहतराजले १० औँ राष्ट्रिय खेलकुदबारे जानकारी गराएका हुन् । भव्य कार्यक्रमबीच पोखरा रंगशालामा बिहीबार राष्ट्रिय खेलकुद समापन भएको छ ।

---