चौँथो खेलमा हैदरावादको पहिलो जित

काठमाडौँ : आइपीएल क्रिकेटमा हैदरावादले पहिलो जित निकालेको छ । बुधबार राती पञ्जाबसँग भएको आफ्नो चौँथो खेलमा हैदरावादले ९ विकेटको शानदार जित निकालेकाे हाे ।

चेन्नेईमा टस जितेर पहिले ब्याटिङ गरेको पञ्जाबले निर्धारित २० ओभरमा सबै विकेट गुमाएर १२० रन बनाएको थियो । उसका लागि मयंक अग्रवाल र साहरुख खानले सर्वाधिक समान २२ रन जोडे । हैदरावादका खलिल अहमदले तीन र अभिषेक शर्माले दुई विकेट लिए । १२१ रनको झिनो लक्ष्य हैदरावादले १८ ओभर ४ बलमा १ विकेट गुमाएर भेट्टायो ।

---

उसका लागि जोनी बेयरस्टोले नटआउट ६३ रन बनाए । जितसँगै चार खेलबाट २ अंकसहित हैदरावाद पाँचौ स्थानमा उक्लिदा हार व्यहोरेको पञ्जाब पुछारमा धकेलिएको छ ।