गण्डकीमा प्रदेश स्तरीय पुरुष भलिबल प्रतियोगिता हुँदै

पोखरा- गण्डकी प्रदेश भलिबल संघको आयोजनामा ‘प्रथम गण्डकी प्रदेश स्तरीय पुरुष भलिबल प्रतियोगिता’ हुने भएको छ ।

पोखरा रंगशालामा पुस ६ देखि १० गतेसम्म सञ्चालन हुने प्रतियोगिताको तयारी अन्तिम चरणमा पुगेको आयोजकले जानकारी दिएको छ । प्रतियोगितामा मनाङबाहेक १० जिल्लाले भाग लिने प्रदेश भलिबल संघका अध्यक्ष नविनकुमार गुरुङले जानकारी दिए ।

---

मंगलबारसम्ममा सहभागी टिमको टुंगो लगाएर खेल तालिका सार्वजनिक गर्ने तयारी रहेको संघका महासचिव तथा राष्ट्रिय भलिबल रेफ्री टहलसिंह थापाले बताए । 

प्रतियोगितामा उपाधि विजेताले नगद २ लाख, उपविजेताले नगद १ लाख, तृतीयले ५० हजार तथा चौथो हुनेले नगद २५ हजारका साथमा कप, मेडल र प्रमाणपत्र प्रदान प्राप्त गर्ने छन् ।

यसैगरी प्रतियोगितामा सर्वोत्कृष्ट हुने एक जना खेलाडीले नगद २० हजारका साथमा ट्रफी र मेडल प्रदान गरिनेछ । 

उत्कृष्ट विभिन्न पाँच विद्या उत्कृष्ट सेटर, उत्कृष्ट लिव्रो, उत्कृष्ट सर्भर, उत्कृष्ट ब्लकर, उत्कृष्ट स्पाइकर र उत्कृष्ट कोचलाई जनही नगद १०/१० हजार प्रदान गरिने अध्यक्ष गुरुङले जानकारी दिए ।