तेस्रोपटक स्थगित भयो नेपाल टी–ट्वान्टी क्रिकेट लिग

काठमाडौं–भोलिबाट हुने भनिएको पहिलो संस्करणको नेपाल टी–ट्वान्टी क्रिकेट लिग प्रतियोगिता सरेको छ । नेपाल क्रिकेट संघ (क्यान) ले एक विज्ञप्ति जारी गर्दै प्रतियोगिता सरेको जनाएको हो ।

क्यानका अध्यक्ष चतुरबहादुर चन्दद्वारा हस्तक्षरित विज्ञप्तिमा भोलिबाट सुरु हुने प्रतियोगिता सरेको जनाइएको छ । तयारी नपुगेका कारण खेलहरु पर्सीबाट मात्रै सुरु हुनेछ ।

---

यसअघि दुई पटक प्रतियोगिता स्थगित गरिएको थियो । क्यानले खेल तालिका समेत सार्वजनिक गरिसकेको थियो । टियु क्रिकेट मैदानमा हुने लिगमा ६ टोलीको सहभागिता रहने छ ।

प्रतियोगितामा काठमाडौं नाइट,पोखरा एभेन्जर्स,फार वेस्टर्न युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन्।