बंगलादेशविरुध्दको खेलमा नेपाल एक गोलले पछि

काठमाडौं : बंगलादेशविरुध्दको मैत्रीपूर्ण खेलमा नेपाल एक गोलले पछि परेको छ । ढाकाको बंगबन्धु रगंशालामा जारी खेलमा घरेलु टीमका लागि मोहम्मद जिवानले गोल गरे । 

दुई मैत्रीपूर्ण खेल खेल्न ढाका पुगेको नेपाली टीमका लागि राईट ब्याक विकास खवासले डेब्यु गरे । नेपालको रक्षा पङ्तीमा त्रिभुवन आर्मी क्लबका विकाससँगै, सुमन अर्याल, अन्नत तामाङ र अजित भण्डारी छन् । सुमन पनि आर्मी कै हुन् भने अन्नत र अजितले गत वर्षको लिग क्रमशः थ्रिस्टार र नेपाल पुलिस क्लबबाट खेलेका थिए । 

---

पहिलो हाफमा नेपालले ४–२–३–१ को संरचना प्रयोग गरेको छ । बिक्रम लामा र तेज तामाङ सेन्ट्रल मिडफिल्डमा खेलिरहेका छन् । त्यस्तै, अन्जन बिष्ट, सुजल श्रेष्ठ र रवि पासवानले आक्रमणमा नवयुग श्रेष्ठलाई साथ दिइरहेका छन् ।