आहा रारा पोखरा गोल्डकप : एपिएफ सेमिफाइनल प्रवेश

पोखरा- पोखरामा जारी २२ औं संस्करणको आहा रारा पोखरा गोल्डकप अन्तर्गत साविक विजेता एपीएफ क्लब सेमिफाइनलमा प्रवेश गरेको छ ।

पोखरा रंगशालामा शनिबार भएको पहिलो क्वार्टरफाइनलमा धरान फुटबल क्लबलाई २–० गोल अन्तरले हराउँदै एपीएफ अन्तिम चारमा पुगेको हो ।

---

एपीएफलाई जित दिलाउन बिकु तामाङ र युवराज खड्काले एक/एक गोल गरे । उनीहरूले टिमलाई जित दिलाउन पहिलो हाफमा गरेका थिए । पहिलो हाफको ३७ औं मिनेटमा बिकुले गोल गर्दै एपीएफलाई सुरुआती अग्रता दिलाएका थिए । त्यसपछि खेलको ४० औं मिनेटमा युवराजले गोल गर्दै एपीएफलाई २–० को जित दिलाए ।

आइतबार शुक्रबारको विजेता चर्च ब्वाईजसँग मच्छिन्द्र फुटबल क्बलले प्रतिस्पर्धा गर्नेछ ।