दुई पटककी विजेता ओसाकाले अस्ट्रेलियन ओपन नखेल्ने

काठमाडौँ- दुई पटककी विजेता नाओमी ओसाकाले यस वर्षको अस्ट्रेलियन ओपन टेनिस प्रतियोगिता गुमाउने भएकी छन् । अस्ट्रेलियन ओपन जनवरी १६ बाट मेलवर्नमा सुरु हुँदैछ ।

सन् २०१९ तथा २०२१ की विजेता जापानी खेलाडी ओसाकाले सेप्टेम्बरदेखि कोर्ट बाहिरै रहेकी छन् । तर उनले अस्ट्रेलियन ओपनमा सहभागिता नजनाउने कारण भने नखुलाएको बीबीसीले उल्लेख गरेको छ ।

---

२५ वर्षीया ओसाकाको स्थानमा उक्रेनकी डायाना यास्ट्रेमस्कालाई राखेको छ । यसअघि सात पटककी ग्रान्ड स्लाम विजेता भेनस विलियम्स र स्पेनका १९ वर्षीय विश्व नम्बर एक खेलाडी कार्लोस अल्काराजले पनि अस्ट्रेलियन ओपन गुमाउने भएका छन् ।