सूर्य नेपाल एनपीजीए म्याच प्ले मंगलबारबाट

काठमाडौँ- सूर्य नेपाल गल्फ टुर २०२२-२३ अन्तर्गतको तेस्रो प्रतियोगिता सूर्य नेपाल एनपीजीए म्याच प्ले मंगलबारबाट हुने भएको छ । बिहीबारसम्म चल्ने प्रतियोगिता काठमाडौंस्थित रोयल नेपाल गल्फ क्लबमा प्रतिस्पर्धा हुने नेपाल प्रोफेसनल गल्फर्स एसोसियसनले जनाएको छ ।

सिजन २०२१-२२ को वरीयताको शीर्ष १६ गल्फरले प्रतियोगितामा प्रतिस्पर्धा गर्ने भएपनि शीर्ष १६ मा रहेका चार गल्फर अनुपस्थित भएका कारण २० औँ वरीयतासम्मले सहभागिता जनाउने भएका छन् ।

---

प्रतियोगिताको विजेताले ६० हजार, उपविजेताले ४२ हजार, तेस्रो हुनेले ३२ हजार तथा चौथो स्थान हासिल गर्नेले २४ हजार प्राप्त गर्नेछन् । क्वाटरफाइनल बाहिरिनेले ११ हजार र पहिलो चरणमै पराजित हुनेले ६ हजार पाउनेछन् ।