'एसियन गेम्स फन रन' शुक्रबार ललितपुरमा हुने

काठमाडौँ- एसियन गेम्सको प्रचारप्रसारका लागि 'एसियन गेम्स फन रन' शुक्रबार ललितपुरमा आयोजना हुने भएको छ । नेपाल ओलम्पिक कमिटी (एनओसी)ले बिहीबार पत्रकार सम्मेलन गर्दै 'एसियन गेम्स फन रन' बारे जानकारी गराएको हो ।

चीनको होङजाउमा सेप्टेम्बर २३ देखि अक्टोबर ८ सम्म आयोजना हुने एसियन गेम्सको प्रचारप्रसारका लागि आयोजना हुने 'एसियन गेम्स फन रन' ललितपुरको पाटन दरबार स्क्वायरमा हुनेछ ।

---

बिहान ७ बजे सुरु हुने रन गाबहाल, पुल्चोक, कृष्ण गल्लि, पाटन ढोका, अशोक हल, भीमसेन मन्दिर हुँदै पाटन दरबार स्क्वायरमा पुगेर टुंगिने छ ।

ओलम्पिक काउन्सिल अफ एसियाको कार्यक्रम अन्तर्गत रहेको फन रनमा विद्यार्थी, पत्रकार, खेलसँग सम्बन्धित पदाधिकारीहरूको सहभागिता रहने एन‍ओसीले जनाएको छ ।