नेपाल-स्कटल्यान्डको खेलमा सट्टेबाजी गरेको आशंकामा एक नेपाली पक्राउ

काठमाडौँ- कीर्तिपुरको त्रिवि क्रिकेट मैदानमा जारी आईसीसी पुरुष क्रिकेट विश्वकप लिग-२ अन्तर्गतको खेलमा सट्टेबाजी गरेको आशंकामा एक नेपाली पक्राउ परेका छन् ।

लिग-२ अन्तर्गत नेपाल र स्कटल्यान्डबीच जारी खेलका क्रममा सट्टेबाजी गरेको आशंका लागेपछि एक जना नेपालीलाई पक्राउ गरिएको नेपाल प्रहरीकाे केन्द्रीय अनुसन्धान ब्यूरो (सीआइबी) का एसपी संजयसिंह थापाले इकागजलाई जानकारी गराए ।

---

‘आजै जारी नेपाल र स्कटल्यान्डबीचको खेलका क्रममा सट्टेबाजी गरेको आरोपमा एकजनालाई पक्राउ गरेका छौं । थप अनुसन्धान जारी छ,’ उनले भने ।