ओलम्पिकले खेलाडीलाई विभाजित र बहिष्कार गर्न नसक्ने आईओसीको स्पष्टोक्ति

काठमाडौँ- रुस र बेलारुसका खेलाडीलाई पेरिस २०२४ ओलम्पिक्समा सहभागिता जनाउने विषयमा विवाद चलिरहँदा इन्टरनेसनल ओलम्पिक कमिटी (आईओसी) ले ओलम्पिकले खेलाडीलाई विभाजित तथा बहिष्कार गर्न नसक्ने जनाएको छ ।

आईओसीले एक विज्ञप्तीमार्फत खेलकुदले एकताको चरित्र बोकेको र यसले शान्ति प्रवरद्धन गर्ने जनाएको रोयटर्सले उल्लेख गरेको छ ।

---

रुसले युक्रेनमाथि गरेको आक्रमणको विरोधमा ४० भन्दा बढी देशले रुस र बेलारुसका खेलाडीलाई ओलम्पिकमा सहभागी नगराउन आईओसीमाथि दवाव दिइरहेको छ ।

आईओसीले रुस र बेलारुसका खेलाडीलाई न्यूट्रल खेलाडीको रुपमा एसियाबाट छनोटमा सहभागिता जनाउन पाउने गरी स्थान छुट्याएको छ ।