ए डिभिजन लिगः सातदोबाटोले जित्दा आर्मी र संकटाको बराबरी

काठमाडौँ- सहिद स्मारक 'ए' डिभिजन फुटबल लिगअन्तर्गत सातदोबाटो युथ क्लबले विजयी सुरुवात गरेको छ । च्यासल ग्राउन्डमा आइतबार भएको खेलमा सातदोबाटोले न्युरोड टिमलाई २-१ गोल अन्तरले पराजित गरेको हो ।

सातदोबाटोको जितमा दुवै गोल दीपक राज ठकुरीले गरे । एनआरटीका निकोलस सङले एक गोल फर्काए । ४५ औँ मिनेटमा दीपकले गोल गर्दै सातदोबाटोलाई सुरुआती अग्रता दिलाएका थिए । पहिलो हाफको इन्जुरी समयमा निकोलसले गोल गर्दै एनआरटीलाई १-१ को बराबरीमा ल्याए । तर ८४ औँ मिनेटमा दीपकले दोस्रो गोल गरेपछि सातदोबाटोले खेल जित्यो ।

---

यता त्रिभुवन आर्मी क्लब र संकटा क्लबले गोलरहित बराबरी खेले । त्रिपुरेश्वरस्थित दशरथ रंगशालामा आइतबार भएको खेलमा आर्मी र संकटाले गोलरहित बराबरी खेलेका हुन् ।