सागका स्वर्णधारी मण्डेकाजी प्यारागन स्कुलको ब्रान्ड एम्बेसडर

काठमाडौँ- १३ औँ दक्षिण एसियाली खेलकुदका दोहोरो स्वर्णपदक विजेता मण्डेकाजी श्रेष्ठलाई काठमाडौँको तिलगंगास्थित प्यारागन पब्लिक स्कुलले दुई वर्षका लागि ब्रान्ड एम्बेसडरमा नियुक्त गरेको छ ।

देशका लागि पुर्‍याएको योगदानलाई कदर गर्दै श्रेष्ठलाई ब्रान्ड एम्बेडरमा नियुक्त गरिएको स्कुलले जनाएको छ । स्कुलले श्रेष्ठलाई मासिक रूपमा तलब दिनुका साथै अन्तर्राष्ट्रिय प्रतियोगितामा सहभागिता जनाउँदा सहयोग गर्ने समेत सहमति भएको उल्लेख गरेको छ ।

---

स्कुलकोतर्फबाट प्रधानाध्यापक बिना बानु र प्रबन्ध निर्देशक शाकीर उद्दिन तथा श्रेष्ठले सम्झौतापत्रमा हस्ताक्षर गरे ।