अन्तर्राष्ट्रिय प्रतियोगिताका लागि फेन्सर योन्जन हंगेरी जाँदै

काठमाडौँ- नेपाली फेन्सर पायास योन्जनले हंगेरीमा हुने पुरुष साव्रे वर्ल्ड कप तथा जारान्दी सावा साव्रे टिम वर्ल्ड कपमा सहभागी हुने भएका छन् ।

ओलम्पिक सोलिडारिटी स्कोलरसीप प्राप्त गरेका योन्जनलाई हंगेरियन फेन्सिङ फेडेरेसनले प्रतियोगिताका लागि आमन्त्रण गरेको नेपाल ओलम्पिक कमिटी (एनओसी) ले जनाएको छ ।

---

प्रतियोगिता बुडापेस्टमा मार्च २४ देखि २६ तारिखसम्म आयोजना हुँदैछ ।

यसैबीच, एनओसीका महासचिव निलेन्द्र राज श्रेष्ठसँगै नेपाल फेन्सिङ संघका अध्यक्ष सुनिल श्रेष्ठ लगायतले योन्जनलाई बुधबार बिदाइ गरे ।