गण्डकी प्रदेश सरकारद्वारा  चार क्रिकेट खेलाडी सम्मानित

पोखरा । गण्डकी प्रदेश सरकारले चार क्रिकेट खेलाडीलाई सम्मान गरेको छ । 
आईसीसी क्रिकेट विश्वकप लिग टूमा तेश्रो हुँदै  ग्लोबल क्वालिफायरमा पुग्न सफल नेपाली राष्ट्रिय क्रिकेट टिमका खेलाडी करन केसी र अन्डर १९ वर्ल्डकपमा सहभागी भई उत्कृष्ट प्रदर्शन गर्नुहुने दिपक डुम्रे,अर्जुन कुमाल र सुवास भण्डारीलाई ५०/५० हजार नगदसहित सम्मान गरिएको हो । 

प्रदेश सरकारको तर्फबाट मुख्यमन्त्री खगराज अधिकारी, सामाजिक विकास तथा स्वास्थ्य मन्त्री पन्चराम गुरुङले गण्डकी प्रदेशबाट प्रतिनिधित्व गर्ने चार खेलाडीलाई नगद ५०/५० हजार र सम्मानपत्रसहित सम्मान गरेका हुन् ।

---

सम्मानपछि मुख्यमन्त्री अधिकारी खेलाडीहरु राष्ट्रको गहना भएको बताए । उनले खेलकुद र खेलाडीको उन्नयनका लागि प्रदेश सरकारले सदैव सकारात्मक भुमिका खेल्ने बताउँदै खेलाडीहरुप्रति उच्च सम्मान व्यक्त गरे ।

सामाजिक विकास तथा स्वास्थ्य मन्त्री पन्चराम गुरुङले खेलकुदको माध्यमबाट विश्वभर चिनाउन सफल खेलाडीहरु र खेलकुद क्षेत्रलाई सरकारले प्राथमिकता राखेको बताए । उनले क्रिकेट खेलको माध्यमबाट प्रदेश र देशको शिर उचो बनाउन खेलाडीहरुले गरेको योगदानलाई मुल्यांकन गर्दै प्रदेश सरकारले सम्मान गरेको बताए ।