साउद र स्नेहललाई दुवाथलनको उपाधि

काठमाडौँ- नेपाल ट्राइयथलन संघको आयोजनमा पोखरामा सम्पन्न दुवाथलनतर्फको उपाधि युएईका साउद अलजावी र भारतकी स्नेहल सुनिल जोशीले जितेका छन् ।

२०२३ एसियन ट्राइयथलन कप तथा दक्षिण एसियन च्याम्पियनसीप अन्तर्गत दुवाथलन खेलमा पुरुषतर्फ साउदले ५ कि.मी. दौड, २० कि.मी. साईक्लिङ र २.५ कि.मी. दौड ५९ मिनट २७ सेकेन्ड र महिलातर्फ जोशीले १ घन्टा १२ मिनट १९ सेकेन्डमा पुरा गर्दै उपाधि जितेका हुन् ।

---

पुरुषतर्फ नेपालका हिमाल टमाटाले ५९ मिनट ४७ सेकेन्ड र बशन्त थारुले १ घन्टा २ मिनट ९ सेकेन्डमा निर्धारित दूरी पूरा गर्दै क्रमशः दोश्रो र तेश्रो भए ।

महिलातर्फ भारतकी संजना सुनिल जोशी १ घन्टा १३ मिनट २५ सेकेन्ड समयका साथ दोश्रो र नेपालकी हुमी बुढा मगर १ घन्टा १४ मिनट ३० सेकेन्ड समयका साथ तेश्रो भए ।