ललितपुरका फुटबल क्लबहरूलाई महानगरकाे आर्थिक सहयोग

काठमाडौँ- ललितपुर महानगरपालिकाले ललितपुरका फुटबल क्लबहरूलाई आर्थिक सहयोग प्रदान गरेको छ ।

सोमबार आयोजित एक कार्यक्रमका बीच महानगरले ए, बि र सी डिभिजनका फुटबल क्लबहरूलाई आर्थिक सहयोग हस्तान्तरण गरेका हुन् । जसअनुसार ए डिभिजन लिग खेल्ने ६ वटा क्लबहरूलाई रु चार लाख , बि डिभिजनका २ वटा क्लबहरूलाई ३ लाख र ४ वटा सी डिभिजन क्लबलाई रु दुई लाखका दरले सहयोग हस्तान्तरण गरिएको हो ।

---

त्यस्तै कार्यक्रममा नवौ राष्ट्रिय खेलकुद २०७९ मा स्वर्ण, रजत र कास्य पदक प्राप्त गर्ने खेलाडीहरूलाई महानगरले नगदसहित सम्मान गरेको छ । जसअनुसार स्वर्ण पदक प्राप्त गर्ने २२ जनालाई २० हजारका दरले पुरस्कृत गरिएको छ भने रजत पदक प्राप्त गर्ने १८ जनालाई १५ हजार र कास्य पदक प्राप्त गर्ने १८ जनालाई रु १० हजारका दरले पुरस्कार प्रदान गरिएको छ ।

कार्यक्रममा ललितपुर महानगरका प्रमुख चिरिबाबु महर्जनले खेलको विकाससँगै खेलाडीहरूको हौसला बढाउनका लागि महानगरले सहयोग गरेको बताए ।

आगामी दिनमा महानगरले गर्ने आर्थिक सहयोग बढाउँदै लैजाने उनले बताए ।