काभा च्यालेन्ज कप: भारतसँगै नेपाल समूह 'ए' मा

काठमाडौँ- नेपालमा जेठमा हुने सेन्ट्रल एसियन भलिबल एसोसिएसन (काभा) महिला भलिबल च्यालेन्ज कपअन्तर्गत नेपाल समूह 'ए' मा परेको छ । मंगलबार भएको ‘ड्र’ अनुसार नेपाल समूह ‘ए’ मा परेको हो ।

यस समूहमा नेपालसँगै भारत, बंगलादेश र किर्गिस्तान रहेका छन् । समूह 'बी' मा भने उज्वेकिस्तान, काजकिस्तान, श्रीलंका र माल्दिभ्स रहेका छन् ।

---

प्रतियोगिता आगामी जेठ ६ देखि १५ गतेसम्म त्रिपुरेश्वरस्थिति राखेपको कर्भड हलमा आयोजना हुने छ । प्रतियोगिताका लागि मुख्य प्रशिक्षक जान जोसे डी ब्रान्टको प्रशिक्षणमा नेपालले तयारी गरिरहेको छ ।