सूर्य नेपाल गल्फ प्रतियोगिता सातौं संस्करण सोमबारबाट

काठमाडौं– सूर्य नेपाल गल्फ टुर अन्तर्गतको सातौं प्रतियोगिता सूर्य नेपाल एनपीजीए टुर च्याम्पियनसिप सोमबारबाट सुरु हुने भएको छ ।
आयाेजक नेपाल गल्फर एसोसियसनले आइतबार पत्रकार सम्मेलन गर्दै एनपीजीए गल्फ टुर सोमबारबाट सुरु हुने जानकारी गराएको हो ।  प्रतियोगिता गोकर्ण गल्फ क्लबमा हुने एसोसियसनले जनाएको छ ।

प्रतियोगितामा ३२ प्रोफेसनलसहित एमेच्योर गल्फरको सहभागिता रहने छ भने विजेताले १ लाख ४० हजार नगद पुरस्कार पाउनेछन् । यस्तै उपविजेताले ९० हजार तथा तेस्रोले ६७ हजार पाउनेछन् ।

---

यस्तै शीर्ष २१ मा पर्ने खेलाडीले समेत नगद पुरस्कार पाउने आयोजकले जनाएको छ ।