एसीसी प्रिमियर कप आजबाट

काठमाडौँ- काठमाडौँमा आजबाट एसीसी प्रिमियर कप सुरु हुँदैछ । आज दुई खेल तालिका रहेको छ । कीर्तिपुरको त्रिवि मैदानमा नेपाल र मलेसियाबीच खेल हुनेछ ।

खेल ९ बजेबाट सुरु हुनेछ । त्यसैगरी, मुलपानी मैदानमा हङकङ र सिंगापुरबीच खेल हुदैछ । मुलपानी मैदानमा पहिलो पटक अन्तर्राष्ट्रिय खेल हुन लागेको हो ।

---

यस प्रतियोगितामा १० राष्ट्रको सहभागीता रहेको छ । सहभागी १० राष्ट्रलाई दुई समूहमा विभाजन गरिएको छ । समूह 'ए' मा आयोजक नेपाल सहित मलेसिया,साउदी अरेबिया, कतार र ओमान रहेका छन् । समूह 'बी' मा बहराइन,कुवेत,सिंगापुर,हङकङ र युएई रहेका छन् ।

हरेक समूहमा शीर्ष स्थानमा रहने दुई टोली सेमिफाइनल खेल्ने छन् । सेमिफाइनलका विजेता राष्ट्रले फाइनल खेल्ने छ। प्रतियोगिताको फाइनल खेल वैशाख १८ गते टियु मैदानमा आयोजना हुनेछ । 

फाइनलको विजेता टोली एसीया कपका लागि छनोट हुनेछ ।यस्तै शीर्ष तीनमा रहने टोली एसीसी ईमर्जिङ कपका लागि छनोट हुनेछन् ।