काठमाडौँ- नेपालमा आजबाट सुरु भएको एसीसी प्रिमियर कपको पहिलो खेलमा मलेसियाले नेपाललाई २३६ रनको लक्ष्य दिएको छ । समूह ‘ए’ अन्तर्गत त्रिवि क्रिकेट मैदानमा टस जितेर पहिले ब्याटिङ गरेको मलेसियाले निर्धारित ५० ओभरमा ९ विकेट गुमाउँदै २३५ रन जोड्यो ।

मलेसियाका लागि कप्तान अहमद फैजले ९५ बलमा ७६ रनको योगदान गर्दा ८ चौका र एक छक्का हिर्काए । विरणदिप सिंहले ९४ बलमा ४६ रन बनाए । मुहम्मद अमिर १७ रनमा आउट भए ।

---

खिजार हायातले २२ रन, मुहमद सयाहादतले १५ रन, सयाजरुल इद्रुसले २१ रन, विजयी उन्नीले १२ रन तथा सयद अजिजले १३ रन जोडे ।

नेपालका लागि सोमपाल कामी र र सन्दीप लामिछानले ३-३, ललित राजवंशी २ तथा गुल्सन झाले एक विकेट हात पारे ।