ओलम्पिक छनोट तथा एसियन गेम्सका लागि पौडी प्रतियोगिता हुँदै

काठमाडौँ- नेपाल पौडी संघले ओलम्पिकको छनोटको रुपमा रहेको वर्ल्ड एक्वाटिक्स च्याम्पियनसीप र एसियन गेम्सका लागि खेलाडी छनोट गर्ने उद्धेश्यले पौडी प्रतियोगिता गर्ने भएको छ ।

संघले जेठ २१ र २२ गते ललितपुरको सातदोबाटोस्थित इन्टरनेसनल स्विमिङ कम्पलेक्समा ११ औँ एनएसए कप पौडी प्रतियोगिता आयोजना गर्न लागेको हो ।

---

प्रतियोगिताका लागि संघले पौडी खेलाडीलाई नाम दर्ताका लागि आह्वान गरेको छ । खेलाडीहरुले जेठ १६ गतेसम्म नाम दर्ता गर्न सकिने संघले जनाएको छ ।

जापानले जुलाई १४ देखि ३१ तारिखसम्म वर्ल्ड एक्वाटिक्स च्याम्पियनसीप आयोजना गर्दैछ । यो आगामी वर्ष फ्रान्समा हुने पेरिस ओलम्पिकका लागि छनोट प्रतियोगिता समेत हुनेछ ।

एसियन गेम्स भने चीनले सेप्टेम्बर २३ देखि अक्टोबर ८ सम्म आयोजना गर्दैछ ।