स्पाइकर प्रतिभा मालीले गुमाउने भइन् एनएससी काभा महिला भलिबल च्यालेन्ज कप

काठमाडौँ- स्पाइकर प्रतिभा माली, सेटर कृपा अधिकारी तथा लिवेरो सरस्वती जैशी जेठ दोस्रो सातादेखि नेपालमा आयोजना हुने एनएससी काभा महिला भलिबल च्यालेन्ज कप गुमाउने भएका छन् ।

नेपाल भलिबल संघले मंगलबार अन्तिम १४ सदस्यीय टोलीको घोषणा गर्दा राष्ट्रिय टोलीबाट प्रतिभा, कृपा र सरस्वती बाहिरिएका हुन् । प्रतिभाले चोटका कारण टोलीमा अटाइनन् ।

---

एनएससी काभा महिला च्यालेन्ज कप जेठ ८ देखि १४ गतेसम्म त्रिपुरेश्वरस्थित राष्ट्रिय खेलकुद परिषद (राखेप) को कभर्ड हलमा हुनेछ । च्यालेन्ज कपमा ८ राष्ट्रको सहभागिता रहेको छ ।

नेपाली टोली:

अरुणा शाही (कप्तान), सरस्वती चौधरी (स्पाइकर), निरुता ठगुन्ना (स्पाइकर), कविता भट्ट (मिडल ब्लकर), पुजा चौधरी (स्पाइकर), सलिना श्रेष्ठ (लिवेरो), प्रगति नाथ (सेटर), रिमा कुँवर (स्पाइकर), साफिया पुन (मिडल ब्लकर), संगम महतो (मिडल ब्लकर), उषा भण्डारी (स्पाइकर), कामना विष्ट (स्पाइकर), पुनम चन्द (स्पाइकर) र शन्तिकला तामाङ (लिवेरो) ।