काभा महिला भलिबलः नेपालले बंगलादेशको सामना गर्दै

काठमाडौँ- एनएससी काभा महिला भलिबल च्यालेन्ज कपको दोस्रो खेलमा नेपालले आज बंगलादेशको सामना गर्ने भएको छ । समूह ‘ए’ मा रहेका नेपाल र बंगलादेशबीचको खेल राष्ट्रिय खेलकुद परिषद (राखेप) को कभर्डहलमा दिउँसो ३ बजेबाट सुरु हुनेछ ।

प्रतियोगितामा लगातार दोस्रो जित हात पार्ने योजनासहित नेपाल कोर्टमा उत्रने छ । यसअघि सोमबार नेपालले पहिलो खेलमा कीर्गिस्तानलाई ३-० को सोझो सेटमा पराजित गरेको थियो ।

---

प्रतियोगितामा नेपाल, बंगलादेश, माल्दिभ्स, भारत, श्रीलंका, कीर्गिस्तान, उज्वेकिस्तान र काजाकिस्तान गरी ८ टिमको सहभागिता रहेको छ । समूह 'ए' मा नेपाल सहित भारत, बंगलादेश र कीर्गिस्तान रहेका छन् । समूह 'बी' मा भने श्रीलंका, माल्दिभ्स, काजकिस्तान र उज्वेकिस्तान रहेका छन् ।

समूह चरणको खेलपछि दुबै समूहबाट शीर्ष २ टोलीले सेमिफाइनलमा स्थान बनाउनेछन् । पुछारमा रहेका दुई टोलीले वरीयताका लागि प्रतिस्पर्धा गर्नेछन् ।