काभा महिला भलिबलः महत्वपूर्ण खेलमा भारतविरुद्ध भिड्दै नेपाल

काठमाडौँ- एनएससी काभा महिला भलिबल च्यालेन्ज कपअन्तर्गत नेपालले आज भारतको सामना गर्दैछ । समूह ‘ए’ मा रहेका नेपाल र भारतबीचको खेल त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा दिउँसो ३ बजेबाट सुरु हुनेछ ।

यसअघि लगातार दुई खेल जित्दै नेपाल र भारत दुबैले सेमिफाइनलमा स्थान सुरक्षित गरिसकेका छन् । नेपाल र भारतबीचको खेलमा जित हात पार्ने टोली समूह विजेताको रुपमा अन्तिम चारमा प्रवेश गर्नेछ ।

---

यसअघि नेपाल र भारत दुबैले कीर्गिस्तान र बंगलादेशलाई हराउँदै अघिल्लो चरणमा स्थान सुरक्षित गरेका थिए ।

समूह 'बी' मा श्रीलंका, माल्दिभ्स, काजकिस्तान र उज्वेकिस्तान रहेका छन् ।