विश्व टेस्ट च्याम्पियनसिप विजेताले १६ लाख अमेरिकी डलर पाउने

काठमाडौं । अन्तर्राष्ट्रिय क्रिकेट काउन्सिल (आइसिसी)ले विश्व टेस्ट च्याम्पियनसिप २०२१/२३ क्रिकेट प्रतियोगिताको विजेतालाई १६ लाख अमेरिकी डलर दिने भएको छ । आइसिसीले फाइनलअघि पुरस्कार राशी सार्वजनिक गरेको हो ।

अस्ट्रेलिया र भारतबीचको विश्व टेस्ट च्याम्पियनसिपको फाइनल   खेल  इंग्ल्याण्डको ओभल मैदानमा ७ जुनदेखि सुरु हुनेछ । च्याम्पियनसिपको विजेताले १६ लाख अमेरिकी डलर पाउनेछ । उपविजेताले आठ लाख अमेरिकी डलर पाउनेछ । 

---

टेस्ट च्याम्पियनसिपको शीर्ष नौ भित्र पर्ने राष्ट्रले पुरस्कार प्राप्त गर्नेछन् ।  तेस्रो भएको दक्षिण अफ्रिकाले चार लाख ५० तथा चौथो स्थानमा रहेको इंग्ल्याण्डले तीन लाख लाख ५० हजार डलर पाउनेछन् ।

पाँचौं भएको श्रीलंकाले दुई लाख प्राप्त गर्दा छैटौंदेखि नवौं स्थानमा रहेका क्रमशः न्यूजील्याण्ड, पाकिस्तान, वेस्ट इडिज र बंगलादेशले समान एक लाख डलर प्राप्त गर्नेछन् ।