बायर्न म्युनिख लगातार ११ औँ पटक बुन्डेसलिगा च्याम्पियन

काठमाडौँ–  बायर्न म्युनिख लगातार ११औँ पटक जर्मन बुन्डेसलिगाको च्याम्पियन बन्न सफल भएको छ ।
बुन्डेसलिगाको अन्तिम चरणमा शीर्षस्थानमा रहेको बोरुसिया डर्टमन्डलाई पछि पार्दै बायर्न म्युनिख च्याम्पियन बन्न सफल भएको हो ।
अन्तिम खेलमा शीर्षस्थानको बोरुसिया डर्टमन्डले माइन्जसँग  २–२ गोलको बराबरीमा रोकिँदा एफसी कोल्नलाई २–१ ले पराजित गर्दै बायर्न च्याम्पियन बन्न सफल भयो ।
समान ३४ खेलबाट ७१ अंक जोडेपनि गोल अन्तरमा बायर्नले डर्टमन्डलाई पछि पार्दै उपाधि जित्यो ।  
यता, आरबी लाइप्जिग र युनियन बर्लिन शीर्ष चारमा रहँदै अर्काे सिजनको च्याम्पियन्स लिगमा छनोट हुन सफल भयो ।

---