ल्युटन टाउन प्रिमियर लिगमा बढुवा

काठमाडौँ–  ल्युटन टाउनले अर्को सिजनको इंग्लिस प्रिमियर लिग फुटबल खेल्ने भएको छ । दोस्रो श्रेणीको च्याम्पियनसिपको प्लेअफ फाइनलमा कभेन्ट्री सिटीलाई सडन डेथमा हराउँदै ल्युटनले शीर्ष डिभिजनको यात्रा तय गरेको हो ।

निर्धारित ९० मिनेट र थप ३० मिनेटको खेल १-१ को बराबरीमा टुंगिएपछि  टाइब्रेकरमा दुवै टोलीको ५-५ गोल गरे । सडन डेथमा कभेन्ट्रीका फान्काती डाबो गोल गर्न चुकेका थिए ।

---

ल्युटन ३१ वर्षपछि शीर्ष डिभिजन फुटबलमा फर्किएको हो ।