चन्द्र थापा र चन्द्रकला थापा एसियन गेम्सको दोस्रो चरणमा छनौट

काठमाडौँ- एसियन गेम्सको दोस्रो चरणको छनौट अन्तर्गत आइतबार भएको खेलमा पुरुष ४८ किलो तौल समूहमा नेपाल प्रहरीका चन्द्र थापाले आर्मीका सुसिल थापालाई स्पिलिट डिसिजनको आधारमा पराजित गर्दै दोस्रो चरणको छनौट पार गर्न सफल भएका छन् ।

त्यसैगरी ५७ किलो तौल समूहमा यचटुओका बुद्ध ग्याल्मो लामाले टिएसीका पुरन सुनुवारलाई ५ः० को आधारमा हराए ।  पुरुष ७१ किलो तौल समूहमा आर्मीका दिपेश लामाले लुम्बिनीका विकास रानामगरलाई ५ः० को आधारमा पराजित गरे ।

---

पुरुष ८० किलो तौल समूहमा आर्मीका दिपक श्रेष्ठले एपीएफका समन कार्कीलाई ५ः० को आधारमा पराजित गरे भने पुरुष ९२ किलो तौल समूहमा एपीएफका रविन नेपालले आर्मीका महेन्द्र केसीलाई स्पिलिट डिसिजनको आधारमा पराजित गरे ।

त्यसैगरी महिला ५० किलो तौल समूहमा यचटूओकी अस्मिता दुआलले लुम्बिनीका माया केसीलाई युनानिमस डिसिजन ५ः० को आधारमा पराजित गरिन् भने ५४ किलो महिला तर्फ आर्मीकी मिनु गुरुंङ्गले स्पिलिट डिसिजनको आधारमा सन्जुमाया थिङ्गलाई पराजित गरिन् ।

 ५७ किलो तौल समूहमा आर्मीकी चन्द्रकला  थापाले एपीएफका नीता गोसाईलाई ५ः० को आधारमा पराजित गरिन्  भने आर्मीकी बर्षा श्रेष्ठले दोसो राउण्डमा एबीडीमा विजय हासिल गरिन् । आर्मीकी निरु गुरुङ्गले एपीएफकी माया चौधरीलाई ५ः० को आधारमा पराजित गरिन् । एपीएफकी मनिता राईले आर्मीकी संगिता दंगाललाई स्पिलिट डिसिजनको आधारमा पराजित गरिन् ।