आइपीएल खेलेका अस्ट्रेलियन खेलाडी घर फर्किए

काठमाडौँ  : इन्डियन प्रिमियर लिग (आइपीएल) २०२१ खेलेका सबै अस्ट्रेलियन क्रिकेटर सोमबार सिड्नी पुगेका छन् । कोभिड-१९ का कारण आइपीएल स्थगित भएपछि अस्ट्रेलियन क्रिकेटर भारतबाट माल्दिभ्स गएका थिए । त्यहाँबाट उनीहरू अस्ट्रेलिया पुगेका हुन् । 

खेलाडी, प्रशिक्षक र अन्य अफिसियल गरी कुल ३८ जना मे ६ यता माल्दिभ्समा बसिरहेका थिए । भारतीय क्रिकेट बोर्ड (बीबीसीसीआई) को संमन्वयमा उनीहरूलाई अस्ट्रेलिया पुर्‍याएको हो । भारतबाट जानेलाई अस्ट्रेलिया प्रवेशमा प्रतिबन्ध लगाइएका कारण आइपीएलमा सहभागी अस्ट्रेलियन खेलाडी तथा प्रशिक्षक माल्दिभ्स हुँदै घर फर्केका हुन् । 
  

---