एसियन गेम्सका लागि स्क्वासका ६ खेलाडी छनोट

काठमाडौँ- चीनमा आयोजना हुने १९ औँ एसियन गेम्सका लागि स्क्वासका ६ खेलाडी छनोट भएका छन् । सेप्टेम्बर २३ देखि अक्टोबर ८ सम्म हुने एसियन गेम्सका लागि पुरुषतर्फ अरहन्त केशर सिंह, अमृत थापा मगर र अमिर ब्लोन तथा महिलातर्फ विपना ब्लोन, कृष्णा थापा र स्वस्थानी श्रेष्ठ छनोट भएको नेपाल स्क्वास राकेट्स संघ जनाएको छ ।

संघले राउन्ड रोविन लिगको आधारमा भएको प्रतियोगितामार्फत् खेलाडीहरु छनोट गरेको हो । प्रशिक्षकको भूमिकामा हिराबहादुर थापा र मेनेजर संघका अध्यक्ष किशोर महर्जन रहेका छन् ।

---

आगामी एसियाडमा नेपालले स्क्वासतर्फ एकल र टिम इभेन्टमा प्रतिस्पर्धा गर्नेछ ।