नेपाल स्क्वास र्याकेट्स संघको अध्यक्षमा ध्रुवबहादुर गुरुङ चयन
काठमाडौँ- नेपाल स्क्वास र्याकेट्स संघको अध्यक्षमा ध्रुवबहादुर गुरुङ चयन भएका छन् । संघको १४ औँ वार्षिक साधारण सभा र पाँचौँ अधिवेशनले आगामी चार वर्षका लागि गुरुङलाई चयन गरेको हो । उनले अध्यक्ष पदका लागि भएको मतदानमा मनोजबहादुर श्रेष्ठलाई हराए ।
अन्य सबै पद निर्विरोध रहे ।
उपाध्यक्षमा प्रेम सिंह, सुदीपबहादुर सिंह, दिलिप नरसिंह अधिकारी, जगतसुन्दर सैंजु र रुपकदास ताम्राकार चयन हुनुभएको छ । महासचिवको जिम्मेवारी लोकेन्द्रमान सिं भण्डारीले पाए । शैलेस अमात्य कोषाध्यक्ष र महेन्द्र महर्जन सचिवको जिम्मेवारीमा छन् । सदस्यहरुमा राजेन्द्र शाक्य, लालबहादुर गुरुङ, अनिल वज्राचार्य, विदुर धमला, रत्न महर्जन, राकेशकुमार गुप्ता, गिन्दिरा श्रेष्ठ र भावना सुनुवार रहेका छन् ।
यसअघि, राष्ट्रिय खेलकुद परिषद्का सदस्यसचिव टंकलाल घिसिङले उद्घाटन समारोहमा आगामी एसियाडमा राम्रो प्रदर्शन गर्न राम्रो तयारी गर्न अनुरोध गर्दैै स्क्वासको प्रशिक्षणका लागि विदेशी प्रशिक्षकको पहल गर्न तयार रहेको बताए ।
सो समारोहमा होङजोउ एसियाडमा नेपालको प्रतिनिधित्व गर्ने स्क्वासका छ खेलाडी अरहन्त केशर सिंह, अमृत थापा मगर, अमिर ब्लोन, कृष्णा थापा, विपना ब्लोन र स्वस्थानी श्रेष्ठलाई सम्मान गरिएको थियो ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया