५ किमी रोड रेसकाे उपाधि चन्द र खड्कालाई

कैलाली । मदन भण्डारीको ७२ औँ जन्म जयन्तीको अवसरमा कैलालीमा आयोजित ‘५ किमी रोड रेस’ प्रतियोगिताको उपाधि निपूर्ण चन्द र नेहा खड्काले पाएका छन् ।

नेपाल खेलकुद महासंघ सुदूरपश्चिम प्रदेश कमिटीले बुधबार आयोजना गरेको अन्तर विद्यालय स्तरीय रोड रेसमा छात्र तर्फ वैद्यनाथ मावि जडेपानी कञ्चनपुर र छात्रा तर्फ धनगढी नमुना मावि कैलालीकी नेहा खड्का प्रथम भएकी हुन् ।

---

त्यस्तै पुरुष तर्फ द्धितीय वैद्यनाथ मावि जडेपानी कञ्चनपुरका विनोद सिंह र तृतीय शारदा मावि धनगढी कैलालीका आयुस मल्ल भए ।

त्यस्तै चौथो स्थान शारदा माबिकै मुकेश सिंहले प्राप्त गरेका थिए । त्रिभुवन मावि बोराडाडीका सागर अवस्थी पाँचौँ र सिद्धनाथ माबिका अस्मित कुमार मारकण्डा छैटौँ भए ।

त्यस्तै छात्रा तर्फ वैद्यनाथ मावि जडेपानी कञ्चनपुरकी लक्ष्मी भट्ट द्धितीय र सरस्वती मावि कैलालीकी जानकी कडायत तृतीय  भइन् ।

चौथो पञ्चोदय मावि धनगढी कैलालीकी मनीषा खड्का, शारदा माविकी सवनम खातुन पाँचौँ र पञ्चोदय मावि धनगढी कैलालीकी सपना चौधरी छैटौँ भइन् ।

प्रतियोगिताका विजेता छात्र र छात्रा दुबैलाई प्रथमलाई १०/१० हजार, दितियलाई ७/७ हजार, तृतीयलाई ५/५ हजार , चौथो पाँचौँ र छैटौँले क्रमशः ३ हजार देखी १ हजार सम्म पाएका थिए । रोड रेसमा  ४१४ छात्र र २१७ जना छात्रा गरि ६३१ जनाको सहभागिता रहेको थियो ।