युभेन्टसका फरवार्ड डि मारिया बेन्फिका फर्किए

काठमाडौँ- अर्जेन्टिनाका फरवार्ड एन्जेल डि मारिया पोर्चुगिज क्लब बेन्फिकामा फर्किएका छन् । उनी आफ्नो करियरमा दोस्रो पटक बेन्फिकामा आबद्ध भएका हुन्।

पहिलो पटक आफ्नो जन्मभूमि अर्जेन्टिनाको रोजारियो छोडेर युरोप जाँदा ३५ वर्षीय डि मारियाले सन् २००७-२०१० को बीचमा पोर्चुगिज क्लबबाट खेलेका थिए ।

---

उनले फ्रान्सेली क्लब पेरिस सेन्ट जर्मेनमा सात वर्ष बिताएपछि गत सिजन इटालियन क्लब युभेन्टसबाट खेलेका थिए । डि मारियाले बेन्फिकामा नजिकका साथी र स्वदेशी मुलुकका निकोलस ओटामेन्डीसँग खेल्नेछन्।

बेन्फिकासँग डि मारियाले एक वर्षको सम्झौता गरेका छन् ।