विम्बल्डन च्याम्पियन मार्केटाले नयाँ ट्याटु बनाउने

काठमाडौँ- विम्बल्डन टेनिसको रुपमा पहिलोपटक ग्रान्ड स्लाम जितेकी मार्केटा भोन्ड्रोसोभाले नयाँ ट्याटु बनाउने भएकी छन् । विम्बल्डन जितेको खुसीमा मार्केटाले नयाँ ट्याटु बनाउने भएकी हुन् ।

बीबीसीले जनाएअनुसार मार्केटाको शरीरमा कति ट्याटु रहेको उनलाई पनि थाहा छैन । तर मार्केटाका प्रशिक्षक जान हेनरिकले वाचा गरेअनुसार उनले नयाँ ट्याटु बनाउने भएकी हुन् ।

---

चेक रिपब्लिककी २४ वर्षीया टेनिस खेलाडी मार्केटाले विम्बल्डनको फाइनलमा ट्यूनिसियाकी ओन्स जाबेउरलाई ६-४, ६-४ को सोझो सेटमा पराजित गर्दै पहिलो पटक ग्रान्ड स्लाम जितेकी हुन् ।

फाइनल अघि नै उनका प्रशिक्षक हेनरिकले चारमध्ये कुनै एक ग्रान्ड स्लामको उपाधि जिते मार्केटासँगै आफूले पनि ट्याटु बनाउने वाचा गरेका मार्केटाले बताएकी छन् ।

प्रशिक्षक हेनरिक र आफूले एकैखाले ट्याटु बनाउन लगाउने बताएकी छन् । प्रशिक्षक हेनरिक आफ्नो वाचाबाट पछि नहट्ने समेत उनले विश्वास व्यक्त गरिन् ।