एसेज सिरिज: अन्तिम खेल आजबाट सुरु हुँदै

काठमाडौँ- इङ्ग्ल्यान्ड र अस्ट्रेलियाबीच जारी एसेज टेस्ट सिरिजको पाँचौँ तथा अन्तिम खेल आज (बिहीबार)बाट सुरु हुँदैछ । इङ्ग्ल्यान्डको लन्डनस्थित केनिङ्गटन ओभल क्रिकेट मैदानमा हुने अन्तिम टेस्ट नेपाली समय अनुसार ३:४५ बजेबाट सुरु हुनेछ ।

यसअघि भएका चारमध्ये अस्ट्रेलियाले दुई तथा इङ्ग्ल्यान्डले एक खेलमा जित निकालेको छ । चौँथो खेल वर्षाले अवरुद्ध भएको थियो । अस्ट्रेलियाले पहिलो दुई टेस्ट खेलमा जित निकालेको थियो भने इङ्ग्ल्यान्डले तेस्रो खेल आफ्नो पक्षमा पारेको थियो ।

---

अस्ट्रेलियाले अन्तिम खेलमा जित वा बराबरी गरे एसेज टेस्ट सिरिज आफ्नो नाममा पार्न सक्छ भने इङ्ग्ल्यान्डलाई सिरिज बराबरी पार्ने यो अन्तिम मौका हो ।

ओभल क्रिकेट मैदानमा हुने खेलमा इङ्ग्ल्यान्डको प्लेइङ-११ मा बेन डकेट, ज्याक क्रली, ह्यारी ब्रुक, जो रुट, जोनी बेयरस्टो, बेन स्टोक्स, मोइन अली, क्रिस वोक्स, स्टुअर्ट ब्रोड, जेम्स एन्डरसन र मार्क वुड छन् ।

अस्ट्रेलियाले भने प्लेइङ-११ सार्वजनिक गरेको छैन ।