अमेरिकी स्टार साइक्लिस्ट माग्नसको १७ वर्षकै उमेरमा मृत्यु

काठमाडौँ- अमेरिकी जुनियर राष्ट्रिय टिमका साइक्लिस्ट माग्नस ह्वाइटको १७ वर्षकै उमेरमा मृत्यु भएको छ ।

ह्वाइटको कार दुर्घटनामा आइतबार मृत्यु भएको रोयटर्सले जनाएको छ ।

---

अमेरिकाको कोलोराडोस्थित आफ्नै घरमा अभ्यास गरिरहेको समयमा ह्वाइटलाई कारले ठक्कर दिएको थियो ।

ह्वाइट स्कटल्यान्डमा आगामी अगस्ट १० मा आयोजना हुने जुनियर माउन्टेन बाइक क्रस-कन्ट्री वर्ल्ड च्याम्पियनसीपको तयारी गरिरहेका थिए ।

ह्वाइटले १० वर्षकै उमेरमा राष्ट्रिय स्तरमा प्रतिस्पर्धा सुरु गरेका थिए ।