राष्ट्रिय स्क्वासः अरहन्त, दीपक र अमिर अन्तिम चारमा

काठमाडौँ- अरहन्त केशर सिम्हा, दीपक थापा र अमिर ब्लोन मंगलबार पाँचौँ धनलक्ष्मी स्मृति राष्ट्रिय स्क्वास प्रतियोगिता २०८० अन्तर्गत पुरुष एकलको सेमिफाइनलमा पुगेका छन् ।

साविक विजेता अरहन्तले क्वार्टरफाइनलमा निशान्त अग्रवाललाई ११–४, ११–४, ११–४ ले पराजित गरे ।

---

दीपकले दिव्यराज वज्राचार्यलाई ११–९, ९–११, ११–९, ११–० ले तथा अमिरले रेसुब चुरवाललाई ९–११, ११–४, ११–७, ११–६ ले हराए । अन्तिम क्वाटरफाइनलअन्तर्गत राजेन्द्र शाक्य र उमित शाक्यबीचको खेल बुधबार हुनेछ ।

यसैगरी, मास्टर्स (प्लस ५०) मा प्रज्वल प्रकाश प्रधानले दिलिप नरसिंह अधिकारीलाई सोझो सेटमा ११–४, ११–३, ११–७ ले हराएर सेमिफाइनलमा स्थान बनाए ।

अन्य खेलमा सुदीपबहादुर सिंहले मनोजबहादुर श्रेष्ठलाई ११–५, ११–६, ११–२, प्रवीणवीर सिंह कंसाकारले किशोर महर्जनलाई ११–६, ११–७, ११–२ तथा धीर पुनले प्रमोद श्रेष्ठलाई ११–७, ११–२, १०–१२ र ११–४ ले हराएर अन्तिम चारमा स्थान सुरक्षित गरे ।