राष्ट्रिय स्क्वासः राजेन्द्रलाई पराजित गर्दै उमित सेमिफाइनलमा

काठमाडौँ- अन्तर्राष्ट्रिय खेल जीवनबाट सन्न्यास लिइसकेका राजेन्द्र शाक्य बुधबार पाँचौँ धनलक्ष्मी स्मृति राष्ट्रिय स्क्वास प्रतियोगिता २०८० अन्तर्गत पुरुष एकलको क्वार्टरफाइनलबाटै बाहिरिएका छन् ।

राजेन्द्रले क्वार्टरफाइनलमा उमित शाक्यसँग ११–५, ११–८, ११–८ ले पराजित हुँदै प्रतियोगिताबाट बाहिरिए ।

---

जाकार्ता एसियन गेम्समा नेपालको प्रतिनिधित्व गरेका राजेन्द्रले गत वर्ष पोखरामा भएको नवौँ राष्ट्रिय खेलकुदपछि सन्न्यासको घोषणा गरेका थिए ।

उमितले अब साविक विजेता अरहन्त केशर सिम्हाको सामना गर्नेछन् ।

बुधबार नै भएको मास्टर्स (प्लस ५०) विधाको सेमिफाइनल खेल जितेर प्रवीणवीर सिंह कंसाकार र सुदीपबहादुर सिंह फाइनलमा पुगेका छन् ।

प्रवीणले प्रज्वल प्रकाश प्रधानलाई ११–६, १०–१२, ११–४, ११–८ र सुदीपले धीर पुनलाई ११–८, ११–५, ५–११, ११–८ ले हराए ।