गोठाटारमा तेक्वान्दोको ग्रेडिङ, खेलाडीहरूलाई बेल्ट वितरण

काठमाडौं–गोठाटार तेक्वान्दो डोजाङमा आवद्ध जुनियर खेलाडीहरुलाई ग्रेडिङपश्चात बेल्ट वितरण गरिएको छ । गएको शनिबार गरिएको ग्रेडिङबाट सफल भएका खेलाडीहरुलाई  मंगलबार मंगलबार बेल्ट वितरण गरिएको हो ।

१३ औं दक्षिण एसियाली खेलकुद प्रतियोगिता (साफ)का स्वर्णपदक विजेता सञ्जिव ओझाको उपस्थितिमा शनिबार ४५ जना खेलाडीहरुको ग्रेडिङ गरिएको थियो । सो ग्रेडिङमा ७ जनाले डबल प्रमोसनसमेत पाएको डोजाङका प्रमुख प्रशिक्षक प्रेम भण्डारीले जानकारी दिए । उनकाअनुसार उत्कृष्ट प्रदर्शन गरेका नेरिया श्रेष्ठ, शिशिर मगर, नीति भट्टराई, श्रेयान्स तिमल्सिना, गृस्मा, आसुतोष कटुवाल र पवित्रा खड्काको डबल प्रमोसन भएको हो ।

---

खेलाडीहरुलाई युवा व्यवसायी तथा समाजसेवी रामकुमार भण्डारीको उपस्थितिमा बेल्ट वितरण गरिएको हो । कार्यक्रममा सूर्य लाइफ इन्स्योरेन्स बागमती प्रदेश प्रमुख अम्बिका तिमल्सिना, खेलाडीका अभिभावक, सिनियर खेलाडीहरुको उपस्थितिसम्पन्न भएको थियो ।