एसियन गेम्सका लागि भलिबल प्रशिक्षक हान आइपुगे नेपाल

काठमाडौँ- चीनमा हुने एसियन गेम्स तथा श्रीलंकामा आयोजना हुने काभा पुरुष भलिबल च्यालेन्ज कपका लागि प्रशिक्षक हान अबिङ नेपाल आइपुगेका छन् ।

नेदरल्यान्ड्सका हान शुक्रबार काठमाडौँ आइपुगेको नेपाल भलिबल संघले जनाएको छ ।

---

नेपाली राष्ट्रिय भलिबल टिमका प्रशिक्षक जगदिश भट्ट र ट्रेनर रुपेश विष्टले हानलाई त्रिभुवन अन्तर्राष्ट्रिय विमान स्थलमा स्वागत गरे ।

अन्तर्राष्ट्रिय भलिबल फेडेरेसनको सहयोगमा हानले नेपाली पुरुष भलिबल टिमलाई प्रशिक्षण गराउन नेपाल आएका हुन् ।

चीनले सेप्टेम्बर २३ देखि अक्टोर ८ सम्म १९ औँ एसियन गेम्स आयोजना गर्दैछ ।